FURSTIUS Waltherus

FURSTIUS Waltherus

Uriâ Helvetius, vetus fidusqueve Werneri Stouffacheri Suitii amicus, huic ad excutiendum intolerabile Austriacorum praefectorum iugum, et patriam in libertatem asserendam, graviter se hortanti aures praebet: amboqueve re diu secum deliberatâ, et Arnoldo Melechthalto, ex Subsylvania in societatem consilii adhibito iuramento se invicem mutuo obstringunt, ad tantae molis opus strenue aggrediendum. Locus ad Uriensem lacum delectus est, vulgo im Grutli nominatus, ubi convenuirent tres hi foederis Principes, et Helveticae Libertatis Triumviri, singuliqueve tribus quatuorve sociis ascitis, communi consilio de rebus agendis statuerent: Factum id, nequeve plebs solum, sed et Nobilitatis pars magna mox iis accessit. Sic Kal. Ian. A. C. 1308. in tribus Pagis arces eversae, et via ad libertatem aperta patuit. Postridie tres memorati Pagi legatis missis publicum foedus in decennium iniêrunt, donec perpetuum factum est: Ratum esse iubeat omen Deus!

Waltherus, Princeps patrio qui nomine dicor,

Aeterni princeps foederis ecce fui.